美味佳 (已結業)

一講紅磡串燒，相信大家都會諗起呢一間餐廳。近街市嗰邊有一間係外賣串燒，而呢一間就係堂食嘅串燒。夜晚如果七點先來嘅話，有機會要等好耐先有位，試過夜晚八點幾過嚟，完全等唔到😂今次過嚟食佢嘅午餐。佢哋晏晝嘅車仔麵超級平，仲要包埋嘢飲！佢哋嘅湯底係薯仔豬骨，三個餸，一個麵底，湯底仲會比幾舊薯仔同埋豬軟骨，超級飽！湯底冇味精，鮮甜，豬骨亦都好好咬口，類似煲完湯嘅豬肉！另外當然叫埋佢嘅串燒，晏晝嘅串燒即叫即整，超滿足。特別推介佢嘅蛋炒腸粉，每次來都一定要叫！