紅蔥頭

營業中

休息中

今晚約左朋友係紅磡行街，行到攰攰地，搵到呢間西餐廳，記得上次食過深水埗店很不錯，所以就揀左呢間。2人套餐$268餐湯配蒜蓉包磨菇忌廉湯入口幼滑，忌廉味濃，唔會成陣水味，同熱辣辣蒜油牛油包好夾，好香口。蜂蜜味BBQ燒豬仔骨豬仔骨有2大塊，蜜糖陣陣甜味同燒烤汁同夾，豬仔骨肥瘦均勻，肉質鮮嫩多汁，唔鞋口，一切就甩骨，另外配有薯條同沙律，夠哂清新。卡邦尼煙肉意粉意粉好濃郁creamy，煮得軟硬岩岩好，每條都好掛汁，磨菇同煙肉份量都好多，差唔多每啖都食到。唐揚脆脆雞翼$42雞翼大大隻脹卜卜，有4隻好抵食。炸得皮脆肉嫩，金金黃黃，點埋沙律醬完全唔膩。四色焗青口$58分別係芝士茄蓉、千島醬、香草忌廉同芝士白汁，一次過滿足唔同口味，青口爽口彈牙，鮮味十足。清涼仲夏（香草薄荷橙汁）+$16檸檬草蜜茶+$18套餐加錢可配特飲，超多選擇。雪糕球（芒果味同朱古力味）📌紅蔥頭地址：紅磡都會道6號置富都會7樓757-759號鋪評語食物性價比高，大件又抵食位置寬躺，環境充滿舊香港回憶🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood