源味甜品小食 (已結業)

呢間係我願意等一個鐘等1530開門既糖水鋪，原因係平靚正餐牌比大家參考一下鹵水鴨腎，有次叫左麻辣係惹味好多，但對於我呢d唔係好食得辣既就唔建議，份量都唔少，墊底既係有得單嗌既涼拌大豆芽，超好食（平時我係唔會食）咁樣嗌可以食晒2款，細食人士可以叫半份$10 咖喱魚蛋豬皮係必叫，好入味抵食每次我都係食桑寄生蓮子蛋茶，呢度係用初生蛋，份量剛剛好唔會太滯，仲有紅棗比起出面無咁藥材味，如果怕桑寄生陣味既可以試下呢個，我就2樣都喜歡。係地方比較淺窄，食完就快快趣讓比下一位，其餘我覺得係滿分。