春田冰室

營業中

休息中

紅磡呢近年真係就多咗好多新樓入伙，今日我就去咗喺紅磡嘅煥然懿居樓下嘅商場一間新開嘅茶餐廳。呢間餐廳裝修新穎，一睇就知啱啱裝修完成，幾乾淨企理，唔算好迫，卡位仲幾好坐，仲有一幅green wall 俾人打卡。叫埋除咗一般嘅茶餐廳嘢食之外，餐牌仲有啲特別既推介，好似厚多士等等，我嗰日係中午時間去仲未食午餐，所以就叫咗一個椰子雞米線，個米線加咗啲椰奶，甜甜地嘅，雞肉又好嫩。另外我朋友就叫咗咖喱吉列豬扒意粉，咖喱汁幾香濃，入邊仲有少少洋蔥碎，而豬扒就炸得啱啱好，外脆外軟，咖喱汁配埋啲意粉都幾好食，係有少少唔夠辣。間餐廳整體都ok，裝修夠新淨，啲侍應都幾醒目，食品質素又有返咁上，望返個價錢又唔算貴，性價比都幾好。