鳥山。商號 (已結業)

紅磡日式咖啡小店☕️☕️紅磡區最近都開咗好多特色小店，而呢間鳥山商店就成日經過都見到，門口裝修得好有日式嘅感覺，入邊亦都有類似榻榻米的座位今日就叫咗杯黑糖冬瓜茶拿鐵，佢話係用咗高雄老店天池茶行嘅冬瓜糖，再用人手炒咗12個小時用嚟沖呢一杯拿鐵。味道幾特別，完全唔需要落糖都已經好夠味。Cappacino 不過不失，入口唔算酸但係唔算好香咖啡味。比較失望嘅係老奶奶檸檬蛋糕，份量比較少亦都有少少偏甜。價錢：💸$80 推薦指數💡: 7/10📍 : 鳥山。商號 (紅磡)紅磡蕪湖街111號蕪湖居地下C2號舖佢有好多唔同種類嘅特色咖啡，如果經過都可以試吓。甜點方面就不過不失，唔需要特別嘗試。