豚道樂 (百合苑商場) (已結業)

辛辣味噌拉麵$83+特上$15有1.普通2.激辛3.鬼辛4.鬼滅之辛，我揀咗中間激辛🌶️店員問我係咪confirm，話等於譚仔大辣，咁我平時都食到大辣有時會嗌特辣添😈所以都照叫啦，點知一食真係嚇親，隻辣好迅速，食幾啖已經feel到痛，同平時米線個種慢慢辣係唔同，比較接近火雞麵個種辣，不過仲辣幾倍🥵但最後我都忍住辣食曬！因為湯底真係好味，濃郁到有啲傑身，但完全唔覺得膩同味精，出面啲辣味拉麵通常會加超多辣粉搞到碗麵有陣苦澀味，呢個無之餘仲食到有啲甜味，整體嚟講好唔錯😚海老湯拉麵$88+特上$15雖然呢款拉麵湯底係豚骨但我覺得個base有啲似，不過呢款多咗啲蝦味，食落香好多，唔食辣嘅揀呢款啱曬，配埋曲麵好掛湯，啖啖都有個種蝦香味🦐一定要加特上，$15多半隻蛋、一塊肉同一塊紫菜，本身有跟2塊豬肉片，偏瘦但係幾淋幾好食，而加個塊就係偏肥嘅豬腩肉🐷有燒過香口好多，幾鐘意兩款肉係唔同，可以轉變下口味又唔會膩。日式吉列炸蠔$45外脆內軟，等咗一陣先食但入面仲係熱辣辣，完全無雪藏蠔個種腥味🦪呢個價錢係有驚喜。