Hidden Table (已結業)

Hidden Table今次要介紹旺角一間好紅嘅燒賣小食店，連「香港燒賣關注組」都有推介過，早排呢間仲搞過任食燒賣嘅比賽，我都好想玩，但當時無人陪我玩！😭呢間燒賣小食店裝修以橙色為主，店內雖然唔大，但都有幾張座位可以比人堂食，佢哋主要以外賣為主，燒賣款式一共有十款口味，分蒸同炸兩大類，有魚肉、豬肉及牛肉，另外仲有腸粉、碗仔翅、炸饅頭、撈麵等小食供應，連自家製辣椒油、蔥同芫荽都係任加。👍👍呢間小店門口都係有一級，你想食咩小食，店員就會出嚟幫你落單，唔使帶斜板都得，輕輕鬆鬆叫個外賣拎返屋企食就掂哂！1.泰式干蒸牛肉燒賣（8粒）$26（7.5/10）呢個泰式干蒸牛肉燒賣有少少似酒樓嘅乾蒸燒賣，配上泰式酸甜醬好惹味，食落好開胃，燒賣口感彈牙唔黐牙！2.奶油麻辣魚肉燒賣（8粒）$26（8.5/10）呢個係人氣奶油麻辣魚肉燒賣，口感非常彈牙，奶油配麻辣都幾夾，creamy得嚟帶少少辣，唔錯！3.日式大阪魚肉燒賣（8粒）$26（9/10）呢個日式大阪魚肉燒賣食落有少少似章魚燒，燒賣炸到外脆內軟，亦都放咗好多木魚碎同紫菜，同其他店嘅炸燒賣真係好唔同，好味！4.秘製腸粉（4條）$24（8/10）呢個腸粉