紅磡串門子

營業中

休息中

喺紅磡有間叫紅磡串門子嘅串燒店，佢哋嘅串燒水準都好高，所以呢次專登過嚟一試究竟。燒土豆片：土豆切得厚薄均勻，燒得夠哂香脆，有好似食緊薯片嘅感覺，但比薯片健康得多，亦無咁油膩，而配埋店家嘅秘製調味粉，變得更加惹味香口。燒秋葵：秋葵燒得啱啱好，外表香脆，入面仲係保持濕潤，令口感變得更加豐富。燒虎皮青椒：虎皮青椒一啲都唔辣，仲有青椒獨突嘅口感同味道。燒雞軟骨：雞軟骨口感爽脆，加埋惹味嘅調味，係款好好嘅下酒菜。燒雞腎：火候控制得宜，雞腎完全唔韌，加上獨特嘅調味粉，令人口水直流。