Moreish & Malt (蕪湖街) (已結業)

就嚟到農曆新年，唔一定要食中餐，去到酒店品嚐高級西餐一樣夠滋味。先有杯荔枝玫瑰特飲，清新香甜嘅特飲，甜味適中，加上果香以及玫瑰花瓣，係杯相當出色嘅welcome drink。接著再有一杯墨西哥燒餡餅，新鮮即叫即烤，上枱時香噴噴，入口仲夠脆身添! 中間仲有肉碎、香草、蕃茄等配料，夾係餡餅之中，再配上各種特製醬汁，個人最愛係蒜蓉醬，味道更有層次添！主菜方面有煎帶子忌廉磨茹意大利飯同燒豬肋骨; 前者帶子煎得外表金黃香脆，中間又嫩滑帶有海鮮鮮味，而忌廉醬汁非常香濃，入口細滑，精華注滿每粒意大利之中，同帶子一同品嚐，感覺非常滿足。而燒豬肋骨份量亦夠晒大，每條肋骨都沾滿惹味嘅燒烤醬汁，入味到肋骨之中，肉質又夠滑嫩，仲奉送一客香脆薯條，同朋友開心share都會夠飽肚。