Moreish & Malt (蕪湖街) (已結業)

紅磡逸酒店內有一間食美國菜嘅餐廳，佈置優閒舒適，隔離有個bar枱，可以得閒飲杯嘢🍸 餐廳嘅職員好有善，會同食客傾下計，講下笑咁。因為臨近萬聖節🎃，餐廳都有好多相關嘅佈置，好有氣氛！-牛油果蟹肉多士 ($95), 之前都有介紹過，作為starter簡直一流👍🏽 牛油果好creamy,食到一絲絲蟹肉🦀，份量啱啱好！上面嘅三文魚籽添加左唔少鮮味同口感。番茄帕瑪森芝士烤雞🍅 ($168) 自家製嘅蕃茄醬味道偏酸，幾濃蕃茄味！烤雞幾大塊，外皮幾脆，入面保留唔少肉汁。加上上面嘅芝士，好邪惡🤤甜品方面不得不提豆腐芝士蛋糕 ($68), 豆腐味偏濃，而且質感幼滑！隔離仲配埋芝麻醬同腰果，增加層次感，作為一餐完美嘅總結。-除左上面嘅嘢食之外，🍔都好欣賞餐廳嘅飲品，睇得出幾花心思去調配。推介玫瑰荔枝mocktail ($68) 比唔飲酒嘅朋友們, 有淡淡嘅玫瑰味🌹！而同🍔一樣係個alcoholic嘅朋友，要試下Green tea miracle 嘅cocktail ($78),有陣清香嘅綠茶味外，仲有加左gin, 兩樣溝埋好易入口😇-整體餐廳水準幾好，而且價錢相宜，大家絕對可以一試！