威風百麵

營業中

休息中

紅磡一帶咁多小店嘅食肆，咁多選擇都有一定嘅人流，一定有佢嘅過人之處。 平日夜晚8:00去到，前面都排緊五六個人，不過等咗10分鐘左右就有位喇！ 我就嗌咗自選嘅車仔麵。呢一間嘅麵選擇多少少，我揀咗寬粉紅薯粉配咖喱豬皮、瑞士雞翼同埋麻辣豬腩片加瑞士汁同麻辣汁個湯濃味得來唔會太鹹咖喱豬皮冇晒毛非常好瑞士雞翼滷得入味麻辣豬腩片就略嫌唔夠麻辣味好味指數： 🌕🌕🌕🌕🌑另外嗌咗杯酸梅湯，自家製果然係唔同啲，完全唔係出面超市買支裝嘅味道，生津止渴。好味指數：🌕🌕🌕🌗🌑最驚喜嘅係，食完麵係會送個甜甜品，我哋嗌加錢轉咗要法式焦糖布甸冇諗過做車仔麵嘅甜品都可以咁好食！ 好味指數：🌕🌕🌕🌕🌑