烏蠅館 (永榮樓) (裝修中)

今日我哋去咗紅磡嘅烏蠅館食飯，特登再去食多次佢哋嘅招牌香辣烤魚青江魚，🐟之前已經食過佢哋嘅其他分店今次嘅味道依然都係非常之好。除咗烤魚之外，佢哋其他小食同埋甜品味道都幾唔錯，價錢同埋份量都非常之合理。.🐷招牌香辣烤魚青江魚魚嘅種類我哋揀咗比較厚肉同埋比較少骨嘅青江魚，烤到啱啱好嘅青江魚，配埋既香辣醬汁，又鮮又辣嘅味道真係食到停唔到口！魚肉質地非常嫩滑，我哋另外再加左海帶同埋芋絲，兩樣都吸晒魚肉同埋湯底嘅精華，非常之惹味。🐷爆漿紅糖糍粑糍粑係我地最愛嘅甜品之一，紅糖糍粑外層熱辣辣脆卜卜，一食落去，紅糖嘅香甜味即刻爆出嚟，味道軟糯又香甜。🤣不過入邊嘅紅糖漿真係非常之熱，大家食嘅時候一定要小心。🐷四川酥魷酥酥脆脆嘅四川酥魷做小食真係非常之啱，非常之鍾意佢外層非常之脆，係比較實淨嘅脆但係又唔會覺得硬。調味亦都啱啱好，比嘅份量亦都非常之多。.🐷紅糖味桃膠食完熱辣辣嘅烤魚食返碗凍冰冰嘅桃膠真係好夾，桃膠俾得一啲都唔小氣，每一啖都食到好多好多嘅桃膠。桃膠亦都幾乾淨冇乜雜質，加埋超級香甜嘅紅糖味，啱晒食完烤魚清一清佢。😋.烏蠅館 (永榮樓)📍紅磡民泰街39號永榮樓地下B2號舖.