一碗小麵

營業中

休息中

老公的星期六都要返工 ，去接佢收工 ，然後喺紅磡附近搵嘢食 ，畀我搵到一間賣四川辣麵嘅小店 ，所以就逼老公陪我去食。我叫咗一個招牌香辣牛肉麵 ，食川味湯麵 就預咗佢好油， 牛肉係細細粒， 的的式式， 有少少肥膏痴住， 不過不失。湯底夠香辣 ，個麵都啱啱好， 少少偏淋，似上海麵。 一碗小麵 ，配料包括 :牛腩，豬手 ，肥腸， 炸醬 ，和豌豆， 樣樣都有啲。 不過因為基本上我唔食豬手和肥腸 ，所以我只係試咗 佢個碗豆，湯底基本上同牛肉麵一樣 ，不過老公話 ，呢個配搭好有特色 ，佢覺得好好味！ 另外叫左涼菜拼盤 ，新來的小妹妹好似唔太熟悉拼盤嘅運作， 所以我哋一開始點咗幾樣原來唔可以一齊點嘅涼菜。 最後 ，我哋點咗口水雞， 蒜泥白肉 ，雲耳 ，同土豆絲 。我覺得雲耳最好食 ，有好多蒜蓉， 土豆絲 都好食！ 反而肉類我覺得有啲太肥 ，所以只係ok。