蒙麵

營業中

休息中

之前睇米紙報導，見今日下午茶時間經開唔駛等，就入去試吓。諗住試吓介紹嘅叉燒同花甲，最初填紙時唔知唔可以剩係叫呢啲，一定要叫三餸或以上，再加粉麵或菜底。咁佢哋打返轉頭話要再填過，無問題，但係問吓費事再填錯，佢哋態度就唔係幾好囉，大佬呀，唔係個個都知道你哋嘅規矩𠺢嘛⋯⋯講番食物，花甲湯好鹹，花甲質素一般，韮菜餃多料嘅，但係都好鹹，大腸乾淨嘅，叉燒即燒，味道可以，但係有一部份太燶嘞。總括而言，食物質素並非吹捧咁好，而態度又頗差，價錢亦一般，唔會再去嘞。