Das Gute (已結業)

朋友生日，人少少，就買左個迷你紅絲絨蛋糕試下。顏色方面，個紅色好鮮豔，蛋糕出面仲整到絨既質感，真係技術高超，個顏色同朱古力馬卡龍好搭配。食得出佢個馬卡龍整得好有心機，好鬆脆，平時好怕馬卡龍甜，但呢個完全唔會，仲好重朱古力味。佢側邊既朱古力金幣唔係平時新年食開得個甜字既朱古力，仲有d金箔，影相一流。蛋糕係忌廉蛋糕，但佢d cream 打得好香，有d雲尼拿味，唔係平時食鮮果蛋糕個種好流既cream。絕對值呢個價錢。