影片
更多
2010-10-22
44 瀏覽
早一陣子師傅同好友食家"乜都放入窿"約左好友飲野, 咁飲野之前當然要醫下肚啦, 於是好友食家"乜都放入窿"問師傅有冇試過呢間食店, 師傅話未搬前就有, 搬左之後就未試過喇, 於是好友食家"乜都放入窿"就帶師傅黎呢度食番個晚餐!每次一講起呢間食店, 師傅不其然會笑, 皆因諗起有次有食客話要兩份牛肉都唔得時, 師傅啲問號就會浮晒出黎, 因為直到呢一刻師傅仍百思不得其解, 於是師傅就話是次一定要試下柯打兩份牛肉! 入到去食店人唔算多, 當時係晚上八點鐘, 所以師傅有少少意外, 而地方就比起之前嗰間就大好! 坐底後師傅當然要睇下有咩食啦, 而好友食家"乜都放入窿"就話呢度嘅山椒野木耳係必食, 既然咁推介當然唔好錯過啦, 由於好友食家"乜都放入窿"係陪坐, 所以師傅為免浪費於是就唔柯打兩份牛肉, 轉而柯打一份腩肉配紅薯粉, 湯底就要酸辣湯配小辣!等左一陣腩肉紅薯粉就放左喺師傅面前, 第一時間當然係飲啖湯濕下個口啦, 湯底係酸辣, 但師傅略嫌唔夠酸, 所以少左種開胃嘅感覺, 至於辣度雖係小辣, 但都唔少料架喇, 不過未至於食唔到; 再試下腩肉, 腩肉係十分之爽口, 爽口而不油膩, 勁好咬口, 加上
每次一講起呢間食店, 師傅不其然會笑, 皆因諗起有次有食客話要兩份牛肉都唔得時, 師傅啲問號就會浮晒出黎, 因為直到呢一刻師傅仍百思不得其解, 於是師傅就話是次一定要試下柯打兩份牛肉! 入到去食店人唔算多, 當時係晚上八點鐘, 所以師傅有少少意外, 而地方就比起之前嗰間就大好! 坐底後師傅當然要睇下有咩食啦, 而好友食家"乜都放入窿"就話呢度嘅山椒野木耳係必食, 既然咁推介當然唔好錯過啦, 由於好友食家"乜都放入窿"係陪坐, 所以師傅為免浪費於是就唔柯打兩份牛肉, 轉而柯打一份腩肉配紅薯粉, 湯底就要酸辣湯配小辣!
等左一陣腩肉紅薯粉就放左喺師傅面前, 第一時間當然係飲啖湯濕下個口啦, 湯底係酸辣, 但師傅略嫌唔夠酸, 所以少左種開胃嘅感覺, 至於辣度雖係小辣, 但都唔少料架喇, 不過未至於食唔到; 再試下腩肉, 腩肉係十分之爽口, 爽口而不油膩, 勁好咬口, 加上份量極多, 師傅食極都仲有, 果然厲害; 再試紅薯粉, 師傅咁大個人都係第一次食紅薯粉, 入口發覺十分之煙韌, 嗰種煙韌感覺好正, 韌得黎係帶爽口, 口感勁豐富, 超正, 配上芽菜爽口唔腥, 而且講份量又係勁多, 真係食極都有, 所以係相當抵食!
食左大半碗後, 山椒野木耳先登場, 呢碟山椒野木耳都算大支野喇, 首先就係一要師傅不住咁等, 第二就係要好友食家"乜都放入窿"三催四請, 師傅真係想講句俾面先柯打黎食啫, 仲要等咁耐;所以一放低山椒野木耳後, 師傅即刻試下你咩料咁勁! 食之前好友食家"乜都放入窿"仲提一提師傅小心辣, 連好友食家"乜都放入窿"都咁講, 師傅都打醒十二分精神, 山椒野木耳份量都幾多, 木耳入口凍凍的, 不過就好爽口, 味道共唔係好友食家"乜都放入窿"講得咁辣, 不過師傅就覺得好搶口, 好惹味; 再食多幾件師傅就發現好友食家"乜都放入窿"冇吹水, 真係幾辣, 攪到師傅都唔敢食山椒喇, 你話係咪勁呢? 而柯打左凍檸茶就普普通通, 最主要係用黎解渴同解辣!
總括黎講食物水準真的不錯, 服務友善, 環境舒服, 價錢都唔貴, 不過師傅已經唔記得左幾多錢了, 仍記得師傅上次已經講過一定要試紅薯粉, 而是次一試絕對係十分滿足, 令師傅對紅薯粉印象加深, 加上山椒野十耳真係出色, 所以笑臉係一定要比, 好友食家"乜都放入窿"果然又冇介紹錯, 所以有機會一定會再黎!
張貼
