快樂餅店 (已搬遷) 新店位置

黎開灣仔一定要黎呢間懷舊小店幫襯，每款包餅價錢都好親民，賣既除左包餅仲有情懷，童年回憶。奶油筒($9)其實我都係第一次食，睇落好似好普通既忌廉筒，但製作得好食並唔容易。餅筒酥脆鬆化，帶牛油香，入面滿滿牛油忌廉😍仲要好滑。老婆餅 ($6)酥皮厚，有好多層，但食落唔會好硬，入面既糖冬瓜蓉都好足料，味道唔會好甜。紅豆餅 ($7)酥皮厚，有好多層，食落唔會好硬，我比較鍾意呢個口感，都唔會好碎，入面既紅豆蓉份量充足，最重要唔係好甜😋紅豆沙翁 ($7)傳統沙翁都唔係到到有得食，沙翁好鬆軟，紅豆料足，好好食。