我愛慢煮 (孖沙街) (已結業)

今日收工好開心，因為有得食我愛慢煮！本身就幾鍾意慢煮嘅食物，特別保持到水份同原味。今日就黎左孖沙街呢間，門口已經有霓虹燈牌，好有feel!呢度樓高兩層，落單後就可以坐低，有專人送餐。重要嘅嘢要講多次，呢度係無加一，無加一架！呢個地段都算難得～我同朋友今日就揀左一個前菜、兩個主菜、兩杯飲品，一個甜品。芝士溫泉蛋大啡菇（$36）大啡菇好夠水份，上面嘅半熟蛋亦超流心，好有視覺效果！法式油封鴨髀（$118）鴨髀都幾大隻，係平時雞髀嘅size，肉質比我之前係法國餐廳食嘅更滑，但因為脂肪較低，就未至於雞髀咁滑。安格斯西冷牛扒（小）（$138）西冷黎講呢塊扒算做得嫩口，冇乜筋，牛味保持得唔錯。而且一路切，一路望住肉汁流出，好juicy~慢煮紅酒梨配意大利雪糕（$38）慢煮紅酒梨好特別啊！第一次食有紅酒味嘅梨，酸酸甜甜，配上嘅係順滑嘅雲尼拿雪糕。水果茶（凍）（$35）、西柚青檸特飲（$38）水果茶有龍眼、橙仲好似有啲雪耳嘅口感，味道清新又自然！朋友呢杯個樣亦唔錯，味道唔會太甜。