影片
更多
2010-05-02
25 瀏覽
全中國首間曼聯主題餐廳，呢個星期日5月2日就會在香港正式開張營業，比起上海店仲要早。一上到去就會見到曼聯球會嘅威水史，睇返領隊費格遜原來不經不覺已帶左紅魔24年，佢嘅豐功偉績，大家都可以呢度睇到～牆上除左掛滿歷代曼聯球星照片外，餐廳中間有一個以費sir為主題嘅角落，坐上面可以望晒全間餐廳，就好似領隊平時要一眼關七，正好切合呢個位置，有趣！講完返呢度嘅食物，午市餐牌設計雖簡單但幾有特色，五款餐以球員排陣形式列出，幾有心思。而晚餐餐牌就更加特別，望落成本足球雜誌咁。其實入面除左有各種小食，主菜，甜品等餐牌外，更有多頁介紹曼聯新聞及球會資料，有興趣的話放低$25就可以擁有～午餐有蒜蓉包，烘得雖然燶左少少，不過咬落脆口，味道都唔錯。餐湯係周打魚湯，湯面加左幾滴橄欖油點啜，賣相唔錯，而且用料豐富，感覺絕對唔行貨。主菜係呢個Roasted New Zealand Beef Tenderlion with Yorkshire Pudding & Gravy($108)，肉質口感好幼嫰，雖然略嫌咸左少少，但整體食味影響唔算太大，加上Gravy煮得很入味，唔錯～Yorkshire Pudding一向都係
牆上除左掛滿歷代曼聯球星照片外，餐廳中間有一個以費sir為主題嘅角落，坐上面可以望晒全間餐廳，就好似領隊平時要一眼關七，正好切合呢個位置，有趣！
講完返呢度嘅食物，午市餐牌設計雖簡單但幾有特色，五款餐以球員排陣形式列出，幾有心思。而晚餐餐牌就更加特別，望落成本足球雜誌咁。其實入面除左有各種小食，主菜，甜品等餐牌外，更有多頁介紹曼聯新聞及球會資料，有興趣的話放低$25就可以擁有～
午餐有蒜蓉包，烘得雖然燶左少少，不過咬落脆口，味道都唔錯。餐湯係周打魚湯，湯面加左幾滴橄欖油點啜，賣相唔錯，而且用料豐富，感覺絕對唔行貨。
主菜係呢個Roasted New Zealand Beef Tenderlion with Yorkshire Pudding & Gravy($108)，肉質口感好幼嫰，雖然略嫌咸左少少，但整體食味影響唔算太大，加上Gravy煮得很入味，唔錯～Yorkshire Pudding一向都係烤牛肉最佳拍檔，食法係將Pudding切開，將伴碟青豆同Gravy塞入去，再將牛肉切成小塊一齊食，感覺真係好英國式，黎呢到食真係fit晒～
另一款主菜就係呢個Seafood Stew with Creamy Dill Sauce and Mashed Potato($98)，賣相其實都幾有趣...海鮮用料好多元化，有鱸魚，三文魚，帶子，大蝦等，配上略帶白醋味嘅忌廉汁食落令人更加開胃！至於旁邊果堆Mashed Potato幾香牛油味，入口好滑，蘸魚肉一齊食都唔錯～
餐牌上見到有心太軟($88)，我就算幾飽都唔想錯過。呢度心太軟朱古力味較濃，蛋糕亦見水準，味道相當唔錯。碟嘅雲呢拿雪糕球旁邊，有細細粒嘅新鮮芒果肉，入面仲混入少少香草碎，令人有清新感覺，不過呢份心太軟最大缺點係貴得幾過份，只此一次下不為例了...
張貼
