黑木 (已結業)

早前經過這間木系餐廳，開頭以為係食omakase，睇一睇menu先知主打串燒！見評價不俗，就預約咗嚟食晚餐。餐廳人氣十足，平日都座無虛席，加上座位不多，所以我哋都好慶幸有一早訂座呢！今次仲獲安排坐bar枱，睇住師傅喺我哋面前燒串燒再送到我哋面前，非常新奇嘅體驗！我哋點咗幾款串燒淺嚐：鱈魚乾鱈魚乾烤得薄脆，保留鮮味，令人忍唔住一口接一口。牛舌估唔到一串都有4大塊，而且每塊都好厚切。牛舌燒得剛好，柔軟之餘又帶嚼勁，食嘅時候仲有肉汁，值得一試！雞心雞心口感比想像中爽脆，挺好食！粟米份量不多，但實在燒得有水準。粟米香甜多汁，隱隱吃到炭火香。明太子茶漬飯飯糰輕輕燒過，外面焦脆，淋上明太子湯再壓扁，口感煙韌。油甘魚鮫油甘魚鮫份量十足，燒得皮香肉嫩，唔需要太多調味，已經非常好食！千兩茄子茄子份量比想像中少，開頭以為係原條燒茄子呢。茄子灑上木魚，無太多調味，味道較為清淡。