Maison Meiji (裝修中)

平時懶唔會寫食評，但今次真係少數食到覺得中伏嘅餐廳...希望餐廳可以努力改進平日夜晚收咗工去，唔知道原來有夜晚專用menu，提供類似居酒屋嘅食物款式選擇。叫咗一碟醋蕃茄、一碟和牛、一個蛋包飯兩個人share。賣相幾好但全部都overpriced，食物質素同價錢唔成正比，調味都好一般。蕃茄食落唔夠熟，無甜味亦唔夠淋；和牛無牛味，中間有根，有啲似嚼香口膠；蛋包飯算最正常，但上面嘅炸雞好厚炸粉，燒汁調味一般，入面係過濕嘅茄汁炒飯。可以讚嘅係service好，waiter/waitress有禮貌亦好勤力refill水；環境都真係好靚打卡一流，而且唔多客唔會太嘈，亦坐得鬆動有足夠私人空間。埋單差唔多$760，齋講食物真係最多最多值一半價錢，只可以當有一半都係用嚟買個環境。可能本身餐廳環境同價錢定位令到我有expectation，所以好失望，如果當佢係普通cafe food去睇嘅會好好多。