MUM 日常野菜料理 (已結業)

友人介紹🥦素菜定食店 ，之前係逸東酒店既foodcourt 食過～最近搬到新蒲崗，小編就趁放假食個late lunch，入座率都超過9成。呢度既環境係簡約既, 配合返日式定食。佢既定食分2️⃣個價錢，3款菜$100，四款$120🍱 3款定食我叫左信田卷，茄子同茶碗蒸。定食仲包括麥茶、味噌湯，配5穀飯，加$15可轉烏冬🍜信田卷既餡料係烚過既冬菇、蘿蔔條同豆角，味道清淡得黎幾爽口。茶碗蒸剛蒸起，熱辣辣又夠嫩滑。茄子就正常發揮。拌烏冬既份量幾多，記得撈醬汁要均勻D，否則食到底有D咸。呢間餐廳既味道比較清淡，連麥茶，味噌湯既味道都唔太濃，健康之選~唔好睇定食細細碗，食晒既話都幾飽肚🤰🏻比較美中不足係想食既關東煮同紫薯已經賣晒，下次要早D到。