Bunphant Coffee (已結業)

係ig loop loop下無意中見到炮台山開左間純白coffee shop 近近地就趁去開嗰頭等朋友就黎試下 位置唔算難搵 簡約既白色門面就好似一股清流咁突出依間吸引我既除左門面之外 最吸引既係蛋糕🍰 係櫥窗見到我最愛既芝士蛋糕緊係急不及待order😍 聽聞店舖蛋糕日日都唔同款 絕對日日黎都得😋今次就叫左「開心果芝士蛋糕」（$60） 同熱玫瑰鮮奶咖啡（$46） 。 首先介紹左「開心果芝士蛋糕」 。 擺碟相當精緻 ， 芝士蛋糕上淋上相信是芝士醬作點綴， 食落芝士味相當濃 芝士蛋糕相當結實（真材實料！） 不過開心果味略淡 。 食完相當飽肚🤣🤣 最可惜係到離開前先見到櫥櫃出左另一款口味：「伯爵紅茶芝士蛋糕」 係伯爵🥲🥲 完全錯過左🥲🥲 希望下次會重新遇上它🥲🥲飲品方面， 是次簡左例首選既「玫瑰鮮奶咖啡」 。 杯具仍是相當精緻 味道方面偏苦 唔太飲到玫瑰既味道。