漁港薈 (已結業)

家人鐘意食蠔，見之前youtuber 介紹，下午去用早鳥價食蠔三食加火煱，入座只有我們一枱客有點驚呀。好快上雞煲和蒸，炸和焗蠔各半打，有喜力大支裝任飲誠意十足。雞煲有麻辣味，之後叫養生湯打邊爐。M5 牛和黑毛豬表面似模似樣，但食落好硬吓，龍躉塊也麻麻好鞋吓，蝦就唔錯。其他配菜不多，丸也是只有三種。貝貝最有問題，之前見其他youtube片貝貝幾大隻，但今天細隻之餘，弄熟上枱有幾多污泥滲出，完全唔衛生，中伏立刻撈曬貝貝丟掉。如果唔係為咗食蠔，這個價位去食日式和台式火鍋會性比價高，所以結帳時近7pm亦只有三枱客。甜品餐單有兩款糕點，但只有一款供應。中午打去話收八達通消費券，去到埋單話個機壞咗。聽講客人不多，這個蠔主題好快也結束。