大自然素食

營業中

休息中

出街見到純素食嘅餐廳都覺得好開心，見到呢間即刻試，一個人去食唔到幾多花款都照食。除咗一般素食，仲有純素日本menu，對於葷食者係一個good try out。今日叫咗個椰皇黃耳燉湯，素三文魚生，素軟殼蟹卷物。前菜佢俾咗個茄汁車厘茄，有啲怪，本身車厘茄已經好新鮮，唔明白點解仲要落一個茄汁上去。個燉湯係very good，$3x唔貴，原個椰子上，下次會再食。素三文魚生片，貪得意試吓，都唔錯，口感顏色都似真三文魚。素軟殼蟹卷物，炸得好脆，素蟹肉好有口感。