影片
更多
2023-09-16
329 瀏覽
好受年輕素友歡迎嘅素年，新開嘅分支 Wanaka 大家試過未呢？有次同朋友傾開話佢開始試食生，我就話下次帶你去 Wanaka 一齊試下，睇下你覺得好唔好食？🥑「純素假日」餐牌好簡約，只有六款主食揀，另一張係飲品同甜品餐牌，飲品以咖啡為主，甜品兩款都係撻，我麻麻地鍾意食撻就冇試。🧁朋友叫咗有機本地秋葵牛油果野莓沙律 $98，我就叫咗煙燻辣味牛油果金柚壽司 $128，加杯 dirty $42。😎朋友個沙律都分咗少少比我食，老實講我就唔太鍾意食沙律嘅，但我覺得都幾好食吖。朋友食完就冇咩特別意見。😝餐牌上話寫住 R 嘅先係生食，但我叫果款雖然冇 R 但都有好多材料都係生嘅，例如壽司包住嘅紅蘿蔔絲，不過變成壽司就感覺易接受啲。😉可能相片睇唔出，其實佢份量係超多，一件壽司一口食唔哂而佢總共有六件。我食緊果陣隔離枱又有個女仔叫咗，嚟到果陣佢哋都嘩嘩聲。所以其實細食嘅兩個人分都 ok。👌食食下我食到粒硬嘢，以為有嘢未煮熟，跟住我先留意到有好多粒圓形嘅果仁物體，我問店員係咩嚟嘅，原來係鷹嘴豆。我諗返我應該未食過硬嘅鷹嘴豆，咁即係：原來生嘅鷹嘴豆係硬嘅？🤔店舖冇我想像中咁大，座位唔多所以預咗要搭枱，仲坐得
「純素假日」餐牌好簡約，只有六款主食揀，另一張係飲品同甜品餐牌，飲品以咖啡為主，甜品兩款都係撻，我麻麻地鍾意食撻就冇試。🧁
朋友叫咗有機本地秋葵牛油果野莓沙律 $98，我就叫咗煙燻辣味牛油果金柚壽司 $128，加杯 dirty $42。😎朋友個沙律都分咗少少比我食，老實講我就唔太鍾意食沙律嘅，但我覺得都幾好食吖。朋友食完就冇咩特別意見。😝
有機本地秋葵牛油果野莓沙律
$98
72 瀏覽
2 讚好
0 留言
煙燻辣味牛油果金柚壽司
$128
136 瀏覽
1 讚好
0 留言
食食下我食到粒硬嘢，以為有嘢未煮熟，跟住我先留意到有好多粒圓形嘅果仁物體，我問店員係咩嚟嘅，原來係鷹嘴豆。我諗返我應該未食過硬嘅鷹嘴豆，咁即係：原來生嘅鷹嘴豆係硬嘅？🤔
髒髒咖啡
$42
23 瀏覽
0 讚好
0 留言
同朋友傾開佢話其實食生可以自己整都唔難，佢之前都有整過，我覺得都係嘅，但如果好似呢度嘅菜式咁，咁多種蔬菜同生果樣樣都有啲，自己整就未必咁易，唔知大家又有咩睇法呢？😊
張貼
