影片
更多
2023-07-16
111 瀏覽
迷客夏係台灣飲品連鎖店，店舖logo牛牛係代表咗品牌理念，推廣健康飲食，採用鮮奶製作手搖飲品，堅持唔落奶精，而採用食材都係純天然，唔加防腐劑同添加劑。自己好鍾意飲手搖飲品，有時都有罪疚感，寧願俾貴少少要鮮奶底！而家天氣咁熱，飲迷客夏就fit晒我。荃灣呢間分店設座位，不過當然坐滿人。店舖門口棟咗兩個易拉架，一個係宣傳新出嘅水蜜桃冰茶系列，一個係飲品受歡迎龍虎榜！同朋友一人一杯，買咗龍虎榜No. 1米麻糬芋泥鮮奶、抹茶鮮奶。✔️米麻糬芋泥鮮奶$43朋友鍾情米麻糬芋泥鮮奶，我都啜咗兩啖，米麻糬比啫喱煙韌、有糯米微香，芋泥新鮮綿密，純鮮奶當然好滑，成杯飲品攪勻再飲，口感似米糊，係唔錯嘅甜品！✔️宇治抹茶鮮奶$36自己鍾情抹茶味，呢個抹茶口味都幾啱我，唔會好澀，又唔會太重茶味，一啖落口又飲到甜甜地嘅奶味，幾清新！
✔️米麻糬芋泥鮮奶$43
朋友鍾情米麻糬芋泥鮮奶，我都啜咗兩啖，米麻糬比啫喱煙韌、有糯米微香，芋泥新鮮綿密，純鮮奶當然好滑，成杯飲品攪勻再飲，口感似米糊，係唔錯嘅甜品！
✔️宇治抹茶鮮奶$36
自己鍾情抹茶味，呢個抹茶口味都幾啱我，唔會好澀，又唔會太重茶味，一啖落口又飲到甜甜地嘅奶味，幾清新！
張貼
