影片
更多
2019-05-21
1225 瀏覽
曾經喺跨國公司做嘢嘅時候，有好多唔同族裔嘅同事共事，佢哋都好叻，喺香港長大，精通中英文同自己嘅mother Language，雖然佢哋好有新諗頭，而最令人佩服嘅係佢哋仍然遵循傳統與信仰，香港的確係一個共融嘅社區，為所有族裔都提供咗一個好好嘅環境。最初所知，原來仲有一群人，為咗可以食嘅肉，係要特登去到九龍城嘅街市選購肉類，而佢哋就係為咗呢張證明！源於信仰與堅持，有咗Halal food餐廳嘅存在，而我等一眾冇宗教信仰嘅人亦享受到呢份美味。餐廳供應主要以牛肉及麵食為主，有辣有唔辣嘅食物，麵條更加係眼見師傅們即場手拉製作，氣勢如虹。可惜小女掛住食，未及影相師傅已經工作完成。沒有油膩感，將啲醬料同啲麵撈勻後再用，啲麵唔係凍嘅，微溫，口感爽爽啲，配嘅係清湯。台式嘅紅燒牛肉麵就食得多，蘭州式嘅紅燒牛肉拉麵都係初次品嚐。見到面頭嘅辣椒油，以為個湯底會好辣，但原來啲麵已經將啲辣味牛肉味都索晒，湯只係飲到啲濃濃嘅牛味，香噴噴！而啲牛肉仲會有埋啲牛腩牛筋，燜得軟淋淋，白蘿蔔唔係大塊頭而係薄切同細細塊。有麵食就要個小菜趁下，同平時食嘅牛展唔同，首先佢係清真食物啦，跟住，佢唔係平時食嘅辣汁，而係點醋，別有一番
最初所知，原來仲有一群人，為咗可以食嘅肉，係要特登去到九龍城嘅街市選購肉類，而佢哋就係為咗呢張證明！
源於信仰與堅持，有咗Halal food餐廳嘅存在，而我等一眾冇宗教信仰嘅人亦享受到呢份美味。
餐廳供應主要以牛肉及麵食為主，有辣有唔辣嘅食物，麵條更加係眼見師傅們即場手拉製作，氣勢如虹。可惜小女掛住食，未及影相師傅已經工作完成。
蘭州炸醬麵
28 瀏覽
0 讚好
0 留言
沒有油膩感，將啲醬料同啲麵撈勻後再用，啲麵唔係凍嘅，微溫，口感爽爽啲，配嘅係清湯。
紅燒牛肉拉麵
17 瀏覽
0 讚好
0 留言
台式嘅紅燒牛肉麵就食得多，蘭州式嘅紅燒牛肉拉麵都係初次品嚐。見到面頭嘅辣椒油，以為個湯底會好辣，但原來啲麵已經將啲辣味牛肉味都索晒，湯只係飲到啲濃濃嘅牛味，香噴噴！
而啲牛肉仲會有埋啲牛腩牛筋，燜得軟淋淋，白蘿蔔唔係大塊頭而係薄切同細細塊。
香菜涼拌牛肉
20 瀏覽
0 讚好
0 留言
有麵食就要個小菜趁下，同平時食嘅牛展唔同，首先佢係清真食物啦，跟住，佢唔係平時食嘅辣汁，而係點醋，別有一番風味。
口味指數：
環境指數：
返嗒指數：
張貼
