MR. MAKI (保和大廈) (已結業)

店面細細，估唔到咁多嘢食，又估唔到咁好食！連做素食都做得咁出色。叫左個佛系轟炸+蕃薯條。落單後，廚房即刻整。佛系轟炸入面有中華沙律、牛油果、青瓜、芝士。外面層飯唔太厚亦都炸到脆卜卜。口感與味覺係集鬆脆、爽口、滑、咸香於一身。以為1個飯卷（8件）唔夠飽，仲叫埋蕃薯條。點知食完個飯卷已經好飽，但都食晒蕃薯條，唔好浪費呀嘛。番薯條有少少脆漿包住炸，好好食！奉勸細食嘅，唔好咁貪心，叫飯卷就夠啦！