2DP (已結業)

之前成日見到厚福街呢間素食店排長龍，餐廳裝潢幾骨緻，好啱同朋友一齊打卡，最中意佢個裝飾櫃，令人有家的感覺，同朋友先叫左個40度風乾種子脆餅配純素芝士醬，芝士醬味道特別，唔知點解有少少沙嗲味，純素相對冇咁重奶味，醬料亦都同種子餅夾到，種子餅夾雜住唔同穀物，包括芝麻，綠扁豆等等，主菜朋友揀左常規南瓜忌廉燴飯，要讚下佢忌廉味濃郁，飯底creamy，南瓜蓉同飯粒完全融合，如果中意食清淡啲，唔中意咁濃味可以揀呢個，我就揀左芝士impossible豬漢堡走茸蓓芽，大大塊味道鮮甜既蕃茄加雙層豬漢，配埋個熱騰騰非常流心既芝士醬，正呀，juicy得黎又好味既素漢堡👍👍