影片
更多
2020-06-04
183 瀏覽
作為食肉獸嘅我，冇乜嘢都唔會去食齋，只不過今次就係一間素食嘅西餐產生興趣，因為通常食齋就係中式餐廳。餐廳唔算大但係環境就好有特色，去咗古典西式風格，有好多唔同類型嘅鏡放咗喺入邊。食物方面我叫咗set dinner，入邊有沙律、湯、小食同埋主菜。首先係沙律，做得素食佢哋嘅材料一定唔會差，蔬菜非常新鮮，咬落去非常爽脆而且配合酸酸地嘅醋十分醒神開胃。湯係用白椰菜花做出嚟，廚師應該加左忌廉製造出黏糊糊嘅濃厚口感，西蘭花嘅味道亦都好出，係令人有驚喜嘅湯。小食係芝士蘑菇蕃茄法包同埋紅酒燉雜菜，廚師將法包烤焗至脆口，加上溶化咗嘅芝士所以蘑菇同蕃茄作點綴，味道非常濃郁。雜菜亦都非常新鮮，同紅酒汁亦都好夾。主菜係酸忌廉手工意粉，佢意粉嘅形狀有別於一般食開嗰啲，每一條都好厚身，切片嘅青瓜同埋蘆筍增加左爽脆嘅口感，加埋濃郁嘅酸忌廉醬汁，無論係口感定係味道都配合得相當好。總括嚟講呢間素食嘅餐廳絕對唔會比其他肉食嘅餐廳遜色，再加上佢上菜嘅時候所有嘅菜式都有保持一定嘅溫度，唔會凍冰冰，我一定會再去食多次！
餐廳唔算大但係環境就好有特色，去咗古典西式風格，有好多唔同類型嘅鏡放咗喺入邊。
食物方面我叫咗set dinner，入邊有沙律、湯、小食同埋主菜。
首先係沙律，做得素食佢哋嘅材料一定唔會差，蔬菜非常新鮮，咬落去非常爽脆而且配合酸酸地嘅醋十分醒神開胃。
湯係用白椰菜花做出嚟，廚師應該加左忌廉製造出黏糊糊嘅濃厚口感，西蘭花嘅味道亦都好出，係令人有驚喜嘅湯。
小食係芝士蘑菇蕃茄法包同埋紅酒燉雜菜，廚師將法包烤焗至脆口，加上溶化咗嘅芝士所以蘑菇同蕃茄作點綴，味道非常濃郁。雜菜亦都非常新鮮，同紅酒汁亦都好夾。
主菜係酸忌廉手工意粉，佢意粉嘅形狀有別於一般食開嗰啲，每一條都好厚身，切片嘅青瓜同埋蘆筍增加左爽脆嘅口感，加埋濃郁嘅酸忌廉醬汁，無論係口感定係味道都配合得相當好。
總括嚟講呢間素食嘅餐廳絕對唔會比其他肉食嘅餐廳遜色，再加上佢上菜嘅時候所有嘅菜式都有保持一定嘅溫度，唔會凍冰冰，我一定會再去食多次！
張貼
