影片
更多
2023-08-23
100 瀏覽
與吃素的好友聚餐，選了這間近大家公司嘅餐廳。搭地鐵到中環站行3-4分鐘左右就到，位置方便。～同事係素食者，收工約佢食飯，就帶咗佢嚟呢一間喺中環嘅人氣素食餐廳。餐廳裝修好有趣，行懷舊風，隨手都係打卡位，食飯時間幾乎全場爆滿，好熱鬧，氣氛唔錯。～睇完餐牌之後，我哋叫咗一個小食、兩個主食，同埋一杯飲品一齊分享：涼拌手撕雞 ($78）Trip to Bali $148 (+$20 avocado）Kobe's Favorite Bun（$158）泰式有機豆奶凍茶（$48）～首先要講一講佢哋整體嘅質素真心不得不讚，係少有地喺香港食到嘅高質素食，佢哋嘅醬料調味尤其到位，本身非素食者嘅我，都一試愛上。～首先就係“Kobe's Favorite Bun“，呢款素漢堡扒伴燒烤醬味道整得幾可亂真，素牛肉漢堡扒非常多汁，顏色粉粉嫩嫩，加上辣辣地嘅惹味燒烤醬，令人一食上癮，伴碟嘅薯角質感綿密，有連少少皮，外脆內軟，高質。一啖burger，一啖甜度適中嘅🧋泰式有機豆奶凍茶，一個字，爽。～涼拌手撕雞質感就係爽爽脆脆，食落冰涼透心，幾開胃。🥬另一道推介之選就係Trip to Bali ，香甜椰漿飯旁邊有大量嘅配料，
～
同事係素食者，收工約佢食飯，就帶咗佢嚟呢一間喺中環嘅人氣素食餐廳。餐廳裝修好有趣，行懷舊風，隨手都係打卡位，食飯時間幾乎全場爆滿，好熱鬧，氣氛唔錯。
～
睇完餐牌之後，我哋叫咗一個小食、兩個主食，同埋一杯飲品一齊分享：
涼拌手撕雞 ($78）
Trip to Bali $148 (+$20 avocado）
Kobe's Favorite Bun（$158）
泰式有機豆奶凍茶（$48）
～
首先要講一講佢哋整體嘅質素真心不得不讚，係少有地喺香港食到嘅高質素食，佢哋嘅醬料調味尤其到位，本身非素食者嘅我，都一試愛上。
～
首先就係“Kobe's Favorite Bun“，呢款素漢堡扒伴燒烤醬味道整得幾可亂真，素牛肉漢堡扒非常多汁，顏色粉粉嫩嫩，加上辣辣地嘅惹味燒烤醬，令人一食上癮，伴碟嘅薯角質感綿密，有連少少皮，外脆內軟，高質。一啖burger，一啖甜度適中嘅🧋泰式有機豆奶凍茶，一個字，爽。
～
涼拌手撕雞質感就係爽爽脆脆，食落冰涼透心，幾開胃。🥬另一道推介之選就係Trip to Bali ，香甜椰漿飯旁邊有大量嘅配料，包括有香口炸豆腐，素串燒，香甜燒粟米，香蕉，解膩嘅蕃茄青瓜，仲有🥜腰果花生醬椰菜（印尼加多加多沙律）等，整體搭配好有特色，而且大大碟，單睇就已經覺得好豐富。
～～～
Veggie4love
中環士丹利街11號10樓
張貼
