VeggieSF (已結業)

同食素友人食飯，其實都傷腦筋，雖然佢都可以去普通餐廳，食菜走肉，但係佢又好似好慘咁，事關冇咩選擇。最後佢提議去VeggieSF.我都你第一次食“西”素，平日最多大年初一食齋。好彩我都係食菜獸，唔食肉完全冇咩所謂。我地訂左枱，上到嚟好怏有位。餐廳位於中環陸羽茶居斜對面嘅商廈，好易搵 。環境其實都幾逼，個人覺得只適合4人或以下嚟食飯。裝修幾特別，好有美國風，侍者都係後生仔女，幾親切。餐牌選擇唔萛好多，有set亦有散叫，我地就比佢嘅fresh juice吸引，有我至愛嘅紅菜頭同薑，本來order紅菜頭加薑，等左好耐都未送嚟，侍者突然好唔好意思走埋嚟，話唔駛加錢比我加多種生果，因為佢怕紅菜頭加薑太寡。結果我揀左蘋果、紅菜頭加薑。成杯juice鮮紅色，好靚。飲左既有紅菜頭味亦有薑味，少少蘋果清甜，正！！友人知道我喜歡黑松露，特別點松露意粉，另外我地仲點左海藻沙律同湯。個人最鍾意海藻沙律，好爽口，夠清新，不過友人嫌太硬，黑松露意粉就有d失望，嗅落好勁黑松露味，不過食落覺得麻麻地，個意粉個味除左松露味，冇咩其他味，例如咸味。總括嚟講，今次素食新體驗都唔太差，下次可以再試下其他素食餐廳。