功德林上海素食 (世貿中心) (已結業)

跟大隊去飲茶，今次食素，不過齋口唔齋心，蝦餃燒賣叉燒包，大魚大肉！功德林的師傅有廣東點心水準，蝦餃和蒸素餃的皮都好薄，味道都近似正常的。春風得意腸和黃耳竹苼腸的腸粉皮夠白雪夠滑，春風得意腸加入春卷皮，所以非常脆口，讚。砂窩獅子頭十成十上海菜咁濃郁的味，醬汁厚夠哂滋味，唔講話係素，真的食唔出獅子頭是豆腐做，仲以為啲免治豬肉做得非常腍。最後的木桶豆腐花超正，精型傳統樣子，雪白好看，入口幼滑，仲有桂花糖。