娑羅婆納印度素餐廳

營業中

休息中

Item: 娑羅婆納印度素餐廳
Rating: 5
Author: SiliconPuiyu

SARAVANA PURE VEGETARIAN

4.5

74 食評

味道

環境

服務

衛生

抵食

813

尖沙咀

$101-200

印度菜咪嘥嘢食店

資訊:
餐廳:	娑羅婆納印度素餐廳

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

SiliconPuiyu

等級3

每次經過重慶大廈，樓下都好多人派VIP卡，深感榮幸😂而且啲哥哥仔，都好熱情，係咁拉你去自己間餐廳。不過今次我哋係有目標嘅，因為我哋係想食素菜，知道印度嘢好多素菜都好出色，所以搵咗一間素食。間嘢其實好容易搵，喺重慶大廈一入去有條垂直樓梯行上去一樓轉左手邊就係啦，侍應非常熱情。我哋嗌咗幾樣嘢，買單都唔使$300重點係食唔晒。印度球球呢個係每次睇社交平台印度嘢食片都會有介紹嘅，佢有兩款嘅，我哋今次試咗有乳酪嗰隻先，餐牌幾好喎，有中文。叫做乳酪炸米餅粒。個球球好鬆化，入邊塞咗滿滿嘅乳酪仲有石榴做點綴，成件事好味喎。原味煎餅跟住我哋見到隔籬枱食咗個好長嘅煎餅，覺得幾得意，我哋都嗌咗個。Plain Dosa，佢配咗馬莎拉汁同埋應該係鷹嘴豆醬。個煎餅入邊仲包咗薯仔。鹹鹹地又脆脆地，啲薯仔同啲汁好夾，所以會不停搣黎食。炸素菜咖喱角呢個係平時就算經過樓下都想買嚟食嘅samosa ，炸到好鬆脆，入邊包住薯仔蓉同埋一啲雜菜。熱辣辣，一份有三隻，食一隻都已經好飽。🫶🏻茄汁牛油燴芝士其實係有少少Butter Chicken嘅味道，我哋原先諗住配煎餅都應該夠，但係真係太香口，入邊啲芝士好軟熟，配上個汁，我哋嗌多咗

印度球球
呢個係每次睇社交平台印度嘢食片都會有介紹嘅，佢有兩款嘅，我哋今次試咗有乳酪嗰隻先，餐牌幾好喎，有中文。叫做乳酪炸米餅粒。個球球好鬆化，入邊塞咗滿滿嘅乳酪仲有石榴做點綴，成件事好味喎。

原味煎餅
跟住我哋見到隔籬枱食咗個好長嘅煎餅，覺得幾得意，我哋都嗌咗個。Plain Dosa，佢配咗馬莎拉汁同埋應該係鷹嘴豆醬。個煎餅入邊仲包咗薯仔。鹹鹹地又脆脆地，啲薯仔同啲汁好夾，所以會不停搣黎食。

炸素菜咖喱角
呢個係平時就算經過樓下都想買嚟食嘅samosa ，炸到好鬆脆，入邊包住薯仔蓉同埋一啲雜菜。熱辣辣，一份有三隻，食一隻都已經好飽。🫶🏻

茄汁牛油燴芝士
其實係有少少Butter Chicken嘅味道，我哋原先諗住配煎餅都應該夠，但係真係太香口，入邊啲芝士好軟熟，配上個汁，我哋嗌多咗個蒜蓉餅去餸。

另外仲嗌咗兩杯嘢飲，一杯係Mango Lassi 同Salted Lassi ，如果唔係好接受到鹹嘅乳酪，記得唔好嗌Salted，芒果乳酪一如既往都係好味同埋濃郁！

雖然餐廳冇豪華嘅裝修，但係冷氣係舊嘅，如果想食素菜嘅咖喱可以去試吓。