聰嫂·原素 (已結業)

嚟嚫呢度都係食糖水，突然想試下素食，放工捉咗幾個同事陪我。食店細細間，但員工好有禮貌又有效率，而且仲大大碟，素肉比我想像好好多，未係好似肉，但都有本身特別同吸引。常餐：素叉燒湯意粉配黑松露炒滑蛋多士呢個素叉燒真係令我好驚喜，又香又脆又唔會鞋口。我都忍唔住問店員原來咁好味㗎，店員話梗係啦，好出名㗎。Xo醬雞絲炒粉皮(走xo醬)，雞絲食落係炸過嘅素類，幾香口。干炒素牛河，睇落似落嘅午餐肉，食落有啲啲似肉，炒得顏色好均勻。+$3凍奶茶+$3凍阿華田，呢杯好多濃。+$3凍檸茶椰汁芒果黑糯米，黑糯米裏面有芋頭粒，我覺得芋頭粒再淋啲會更好。開心樂園，裏面唔同顏色嘅粒粒係唔同口感。