TRIBES

營業中

休息中

出左黎尖沙咀做事，搞掂後就梗係搵下野食，街舖全部都好多人等位，又熱又晒，行過見有間叫Tribes嘅樓上舖，寫住話食巴基斯坦菜，橫掂想食素食，不如就試下佢。上到二樓，餐廳環境唔錯喎，裝修靚冷氣足，但就得一枱客，點解呢？坐低睇睇餐牌，研究一番後決定點一客Sabzi & Daal Corner同一份Naan，再來一杯餐飲就很豐富了。食物即叫即製，店員先送上一份沙律，是青瓜紅蘿蔔配上青瓜乳酪醬，青新爽口，正好作開胃用。除後點的Palak paneer 也到了，就是菠菜蓉芝士，呢樣係全素㗎。煮到熟爛的菠菜，再加上印式乳酪芝士，好味又營養豐富，同埋個壓掉水份的乳酪芝士好感好正呢。Naan bread是意外地大塊，烘得乾身香脆，煙煙韌韌的好好咬，配上菠菜蓉好好味呀。最後就係飲品Masala chai pot，masala tea 好出名唔使講啦，呢度用茶壺上，上枱時店員先倒茶，一壺大約有兩杯份。紅茶底加上香料藥草等，香氣十足，香味刺激味覺同嗅覺，好好飲呢。食物有水準，環境又靚，想試下巴基斯坦菜嘅好選擇。