悠蔬食 (渣甸中心) (已結業)

一直以為素食唔係冇味，就係整色整水扮肉，但係今日朋友帶我黎銅鑼灣悠蔬食，就令我完全改觀。店內用上藍色作主調，讓人感覺十分舒服。一坐低，店員就立即黎斟暖水，仲好細心咁提我地小心熱，D水係檸檬水黎，有清香既檸檬味。我地每人叫咗一set，首先會上三款前菜。日式藜麥野菜松子薯球外表精緻，好似日式飯糰咁成球狀，有D紫菜係面，薯蓉混入營養價值高既藜麥同埋松子，十分健康。第二款前菜係草莓鮮果香芋沙律伴杏仁脆片，好少見呢個配搭既沙律，酸酸甜甜咁又好開胃喎。第三款前菜係滷水花菇毛豆百頁豆腐伴琥珀合桃，花菇同埋百頁豆腐充滿滷水汁既味道，毛豆添上點點清新，再配上香脆既琥珀合桃，味道唔錯。手卷方面，我揀咗香芒牛油果苜蓿芽手卷。手卷唔係用紫菜包住普通飯粒，而係包住苜蓿芽、芒果同埋牛油果，味道清新好味。朋友揀咗蘆筍素香鬆苜蓿芽手卷，同樣讚不絕口。另外值得一提既係，店員上手卷既時候，會細心咁建議先享用手卷，避免紫菜淋咗，影響香脆既口感。牛肝菌桃膠忌廉濃湯：有別於平時係餐廳飲到既忌廉湯，每一啖都有好香既牛肝菌味，仲有具美顏功效既桃膠，真係體會到係用心預備既。蟲草花椰子黃耳竹笙燉湯︰呢個中式燉湯用料十足，十分滋補，飲落