圓善素食

營業中

休息中

每逢農曆十五, 月亮都會又大又圓, 唔知大家覺唔覺架呢? 今日係十五, 所以係我食素嘅日子, 而呢間餐廳我已經食過好多次架喇。餐廳每日都會派發愛心飯盒比有需要嘅人士, 真係好有善心同值得支持。🥢滿巢金沙蛋 (鹹蛋金沙南瓜)充滿鹹蛋黃喺南瓜面, 外層炸得香脆, 裡面嘅南瓜好軟好綿, 不過可能比較多油, 所以會有油膩嘅感覺。🥢菠蘿素咕嚕肉本身唔太鍾意食咕嚕肉, 因為覺得太肥膩, 反而素嘅咕嚕肉就覺得好好食, 因為用猴頭菇代替了肥豬肉, 有肉的咬口, 而個醬汁酸酸甜甜, 十分開胃。🥢頭抽牛魔王炒河有鑊氣, 不過味道偏淡同埋略嫌多油。整體食物都幾好, 如果可以改善太油膩嘅情況會更好。