天恩健康素食 (已結業)

「素食新一代」算是荃豐四度空間經典食肆之一，經常爆場。「天恩」在同一商場前幾個鋪位，以極度相似的四餸飯，期望能吸到些漏網之魚。$38四餸飯套餐，每日有四款餸，分成編號1~4，可自由加加減減，例如唔要4號，1號double等等。套餐有湯/汽水，白飯或羗飯自助任裝。魚香茄子有啲素肉末，好送飯，完全唔似食緊一般素菜好寡嘅感覺。其他餸都係有汁，味道豐富。羗飯好特別，唔會辣，羗切成碎粒增強了白飯的口感和味道，寒底食最啱，有溫暖的感覺。可惜飯有點硬，結成一嚿嚿。另外主打燒味四寶飯，同樣$38，有原隻漏油靚咸蛋。