新派素食 (已結業)

印度菜，數數手指都只係食過兩次，兩次都唔係主動安排，抱住試吓無妨心態一班人去食。今次亦唔例外，不過比較特別的係首次食印度素菜，果然係叫新派素食！餐廳位於灣仔商業大廈內，似乎有點歷史，但餐廳環境都算企理寬敞。一坐下就會附上一種辣辣喊喊嘅薄脆餅，可以任添，不過對我太辣了。看看menu其實有點無從入手，因為唔係樣樣菜式都有相，不過第頁都有個溫馨提示，可選大中小辣。幾經討論叫了如下：特色印度焗雜菜串：淋淋的幾條混合焗菜，沒有印度菜的濃烈香料，算係幾啱食。薯仔炸圈 & 另一樣唔記得係咩：好味，因為本身鍾意食薯仔，又不是辣，推介！香炸素菜咖哩角(綠豆及薯仔)：跟普通咖哩角差不多，不會過分辣，同樣好味！印度咖哩-以下有相兩款已攪唔清係咩咖哩、而另一款芝士菠菜(無相)：有相嘅兩款咖哩，鍾意食印度菜的會鍾意，而我就各浅嚐一口。反而另一款芝士菠菜唔辣唔太香料濃，啱我食！Naan (原味烤餅、蒜蓉烤餅)、薯仔千層煎餅：其實仲有叫多款烤餅，但都分不清是什麼，唔配咖哩就咁食一樣好味。「新派素食」整體都算OK，奈何我對印度菜都仍是陪食程度，鍾意食印度菜嘅朋友應該要一試！