泰式素食 (已搬遷) 新店位置

因為老婆報咗個課程，晌九龍城上堂，所以，近來多咗晌依區出沒。而佢又鍾意食素，偶然發現依間泰菜素食小店，就專程送佢返學，兼一齊食餐晏。基本上唔使多講環境，小店細到門口都擺埋枱，地方一眼睇晒，基本裝修，就無任何多餘擺設。因為環境實在好淺窄，唯一「貼心」就喺枱下有個掛鈎勾住個背囊。一坐落，就奉上一杯香茅清水，泰藉店員都好友善隨和，放心，佢識講廣東話，唔使怕雞同鴨講。打開張餐牌，有前菜、湯、咖喱、特色小菜、炒時菜、炒麵、湯麵、飯、飲品……等等。咪以為餐牌有乜就可以叫，有啲菜式已經無咗。所以，白底黑字中泰文對照嘅點菜紙先至準確。木瓜沙律 $48木瓜切得幼細，入口酸酸辣辣，而口感爽脆好清新，冰冰涼，沙律內混和咗銀芽，蕃茄，花生……等等配料，又搭啲蝦片，口感多變。泰式炒金邊粉 $58咪睇佢碟仔細細，啲金邊粉疊到高一高，所以，份量唔少，而啲粉炒得幾均勻，但有少少黐埋一嚿，基本上無乜配料，主要又喺銀芽、花生碎，味道酸酸甜甜，微微濕潤，OK啦。因為環境唔算好坐，正午時間亦頗熱，雖然店內有冷氣，但咁「開放」嘅鋪面，唔涼得幾多，食得急起嚟都食到有啲汗，所以，依度客流非常快，我哋兩公婆食兩樣嘢，一陣就食完，食完