2DP (已結業)

每次經過店舖門口都見到都多人，好多時喺食飯高峰期都需要等位，今日下午茶時間客人比較少，坐得闊落。佢哋主要提供素食，有飯、意粉、漢堡包及小食等等，因為下午茶時間所以都係叫輕食為主。芥末芝士波，芝士味濃香，食落彈牙。沙嗲素雞串燒，外皮燒得脆脆地，口感味道同真嘅雞肉有九成相似，沙嗲汁亦好有泰式風味，高水準。普洱巧克力芭菲，都比較少食到普洱朱古力味道的雪糕，淡淡然的普洱茶味，食到一半再加奶，有另一番風味。士多啤梨配奶油醬窩夫，窩夫做得好鬆軟，表面有少少脆，士多啤梨奶油醬唔會太甜，鋪切得好精美，打卡一流。黑芝麻拿鐵，濃香黑芝麻味道，夠滑口，好creamy ，拉花亦拉得好。