影片
更多
2021-06-16
56 瀏覽
一年一度素食月 (屋企原因) ，想朝聖好耐。今日帶咗肉食獸老公嚟荃灣食素年。呢間店舖旁邊都係一啲潮式打冷，素年門面白色好清新，有”出於汙泥而不染”嘅畫面。訂咗夜晚7:00，員工都好有禮貌接待我哋去座位，唔該前唔該後。我點左茄子意粉+伯爵凍茶，肉食老公點咗泰式肉碎意粉+青檸接骨草梳打。另外再嗌多個黑松露純素芝士番薯條。首先：番薯條脆卜卜，黑松露醬夠濃味而且真係食得出個素芝士嘅鹹香味，兩樣嘢獨立嚟食都好出色，好想將個黑松露醬撈意粉食。不過覺得番薯條同個醬擺埋一齊就有啲畫蛇添足。茄子意粉到咗後O咗咀,份量真係唔少。後悔嗌咗三樣嘢都係澱粉質，罪惡感爆棚Anyway, 茄子意粉係好食嘅，出邊茶餐廳嘅茄子意粉係超級多汁，呢度嘅醬汁量比較適中，唔會覺得滯。不過個人覺得偏甜。配返嗰個跟餐伯爵凍茶就啱啱好最後亦都最驚喜嘅就係個泰式肉碎意粉，夠辣夠嘢味。重點係個煎蛋---肉食老公食完都唔知唔係平時嘅雞蛋。我食咗半隻蛋，我就食得出同平時嘅有少少唔同，不過係有煎雞蛋嘅感覺，有平時煎雞蛋嘅嗰條脆卜卜焦邊，有爽口嘅口感，亦都有少許蛋香味。呢個意粉配青檸接骨草梳打真係有去咗泰國嘅感覺。最後因為份量太多真係食唔晒，唯
訂咗夜晚7:00，員工都好有禮貌接待我哋去座位，唔該前唔該後。
我點左茄子意粉+伯爵凍茶，肉食老公點咗泰式肉碎意粉+青檸接骨草梳打。另外再嗌多個黑松露純素芝士番薯條。
首先：番薯條脆卜卜，黑松露醬夠濃味而且真係食得出個素芝士嘅鹹香味，兩樣嘢獨立嚟食都好出色，好想將個黑松露醬撈意粉食。不過覺得番薯條同個醬擺埋一齊就有啲畫蛇添足。
茄子意粉到咗後O咗咀,份量真係唔少。後悔嗌咗三樣嘢都係澱粉質，罪惡感爆棚
Anyway, 茄子意粉係好食嘅，出邊茶餐廳嘅茄子意粉係超級多汁，呢度嘅醬汁量比較適中，唔會覺得滯。不過個人覺得偏甜。配返嗰個跟餐伯爵凍茶就啱啱好
最後亦都最驚喜嘅就係個泰式肉碎意粉，夠辣夠嘢味。重點係個煎蛋---肉食老公食完都唔知唔係平時嘅雞蛋。我食咗半隻蛋，我就食得出同平時嘅有少少唔同，不過係有煎雞蛋嘅感覺，有平時煎雞蛋嘅嗰條脆卜卜焦邊，有爽口嘅口感，亦都有少許蛋香味。呢個意粉配青檸接骨草梳打真係有去咗泰國嘅感覺。
最後因為份量太多真係食唔晒，唯有浪費咗個紙盒攞返屋企。員工都係好有禮貌咁多謝前多謝後咁送我哋出門口。
好開心素食終於唔係只可以食酸齋，而且質素越嚟越好，選擇都越嚟越多。絕對係一間有心，細心又有良心嘅食店。佢有啲枱櫈下面有插頭，下次會下午茶時間過嚟飲咖啡，應該都唔錯。
泰式肉碎意粉
4 瀏覽
0 讚好
0 留言
黑松露素芝士番薯條
5 瀏覽
0 讚好
0 留言
茄子肉碎意粉
4 瀏覽
0 讚好
0 留言
張貼
