齊柏林熱狗店 (爵祿街)

營業中

休息中

好耐冇食齊柏林，一向對素食者好友善嘅佢原來又推出咗新菜式，今次一於試下佢啦。我哋用電話叫咗兩個餐嘅外賣，分別係素漢堡同埋粟米芝士熱狗轉素腸配大薯條。素腸熱狗都係一貫水準，條腸調味好好，食落有口感，加埋濃郁嘅芝士真係好好味。至於素漢堡就有啲失望，塊素肉比較淋身，而且調味得唔夠，食落有一陣素肉嘅雪味，希望下次試會有改善啦。跟餐嘅薯條都正常啦，因為叫外賣所以都濕濕地，不過都係預期之內。係素食者嘅你，都不仿可以試一試嘅！