日常素食 (已結業)

午餐限時75分鐘（$108）​午餐比較抵食，整體食物種類唔算多，反而炸物有好幾款。炒蘿蔔糕超級出色🤩，好重蘿蔔味而且炒得好香，第一輪食晒等左好耐先出第二輪，岩岩出菜仲熱個時超級好食，可惜佢太飽肚食唔到太多舊已經飽左，廚師👨🏻‍🍳拎出黎fill個時都自己讚好食叫我地一定要試。​​飲品方面果汁同自家飲品都味道一般，反而最好飲係佢個齋湯，粟米紅蘿蔔湯🌽🥕冇落肉煲原來可以咁清甜，忍唔住飲左好多碗。其他疏菜類🥦不過不失，每樣都係試少少咁。​食得多任食既肉類放題，食下素食都幾有新意，感覺比較健康。