素一 (已結業)

年齡大左開始注重健康，除左由做運動入手，食物方面都要留意呀。平時我多肉少菜，又鍾意食甜品同飲凍飲。今日一於嘗試下素食自助餐🥬門面俾人感覺好green💚室內裝修簡約，光猛開揚。餐廳最入面放滿了不同食物，沙律，冷盤，炸物，小菜，粉麵，湯，健康飲品，素壽司同甜品都有👍選擇都幾多，我地每款都試少少。自助食物旁邊貼有提示，唔同顏色代表含有 蔥蒜，蛋類，奶類的食物。方便唔食某種食物的客人選擇。一坐低已經即刻衝左去夾食物，夾夾下聽到其他客人傾計，"點解枱面多左湯既，你叫架？" ，到我返埋位都見到有，原來係餐廳送的素咕嚕肉同燉湯👍 估唔到素咕嚕肉都整得幾有口感， 外皮有少少脆而入面少少彈牙似肉嘅質地。如果加埋菠蘿就似到十足十啦😏燉湯幾有火喉，侍應姨姨話煲左幾個鐘的，啱曬我呢d冇住家湯既人飲。每樣都試少少沙律吧 炒河粉， 薑醋蛋， 南瓜餅，炸紫薯丸， 蜜汁叉燒，豉汁南瓜炒雜菌， 炒四季豆茄子。其實想食薑醋蛋好耐， 不過平時出面食嘅話就要買一大壺，自己一個好難食得曬， 呢度有得一隻隻咁夾就啱曬我啦， 原隻蛋浸係薑醋入面好耐，吸收曬陣味好香😋 素叉燒口感以假亂真，味道不錯👍雲耳，素腐皮，羊肉串，薄餅，素餃子