日常素食 (已結業)

朋友約我陪佢去黄大仙祠問簽，問完簽到附近黃大仙中心逛下，行完揾野食，由自動電梯上二樓，見呢間日常素食，放題每位$125，仲免加一，好耐冇食過素食，就食呢間啦😄用餐時間有90分鐘，分咗幾個取餐區，而餐具用完之後就要自己拎到回收處，全自助形式😄食物種類都幾多，有冷盤、熱盤、炸物、沙律，湯、飯、麵、甜品、飲品同雪糕😄素刺身仿真度十足，口感軟滑😋炸蝦乾身唔油膩，蛋散鬆化，咖哩角同春卷脆卜卜😋蓮藕、滷水豆腐、茄子、羅漢齋炆得入味炒蘿蔔糕食得到有蘿蔔絲，蜜汁叉燒惹味好食，當然仲有素咕嚕肉啦，酸甜有嚼勁😋飯麵就有粗炒同炒飯，除咗蓮藕湯，仲有碗仔翅😋甜品有腐竹糖水，楊枝甘露，桂花糕清甜，紅豆糕滑溜😋烏梅汁微酸，開胃解渴😋