心裡有素 (已結業)

自助餐食得多，素自助餐真係第一次食，又幾有驚喜，因為本身冇咩期望，以為得菜、雞蛋同豆腐🤣同埋有齊粉麵飯，食完都好飽好飽。冷盤有漬蕃茄、胡麻青瓜冷麵、麻辣涼皮etc，冷麵正，好滑。仲有溏心蛋都好食。～炸物試左炸南瓜、炸茶樹菇，兩樣都好脆，又唔油，南瓜好甜，好味喎。～魚香茄子當然就冇肉啦，但茄子炸過好入味，呢樣十食左唔少。～蕃茄炒蛋賣相唔算好靚，食落又幾正🤡係好正路夠酸夠甜嘅蕃茄炒蛋。～咕嚕肉（甜酸炸合桃）7:30咁上下廚師托左盤新鮮整好嘅咕嚕肉出嚟。個樣真係好似真肉🤡其實食落口都似炸得好透個隻咕嚕肉，酸味甜味都好夠，如果合桃再酥脆多少少就無得頂👍🏻