影片
更多
2022-01-18
135 瀏覽
第一次食日式嘅素食，仲要係新派日式素食又有靚靚賣相，招牌富士山飯，各種素豬扒素肉餅，甚至仲有素甜品西米布甸！環境方面簡單裝修但充滿日本風，以粉紅粉藍色為主調掛滿假櫻花，牆身有個大富士山裝飾~👓五品吉列素豬扒 富士山石鍋飯定食 $109➡️牛蒡甘筍沙律➡️素魚豆腐➡️焦糖西米布甸➡️素吉列豬扒➡️富士山蝶豆花石鍋飯可以選擇日式咖喱汁/冬陰功汁/椰子白咖喱汁/栗子南瓜汁/黑松露雜菌忌廉汁➡️飲品揀咗熱綜合花茶其實唔太飲都係咩花茶同埋佢令到啲茶色係粉紅色，飲到好輕微嘅薰衣草味，不過我覺得有啲奇怪因為帶點甜味，應該唔係砂糖又唔係蜜糖，懷疑可能係糖漿🥱但賣相同樣好精緻，配有一個迷你陶瓷杯仔刻上店舖名同富士山圖案。⏩⏩用咗天然碟豆花令到飯變藍色，其實食落冇味純粹賣相靚。揀咗椰子白咖喱汁但原來味道唔算好濃烈嗰種日式咖喱汁味，係有少少淡嘅咖喱味，可能想遷就返素食淡口味？；反而日式咖喱汁就真係比較濃烈平時嗰種咖喱味。素吉列豬扒口感比較實所以幾似真豬扒，主要係omnipork新豬肉同椰菜花製成，炸得好香脆，配有芥末醬汁。西米布甸有層脆焦糖薄片，內裏好creamy滿佈西米，不過整體稍為甜咗少少，但都好食。評分：8/10
👓五品吉列素豬扒 富士山石鍋飯定食 $109
➡️牛蒡甘筍沙律
➡️素魚豆腐
➡️焦糖西米布甸
➡️素吉列豬扒
➡️富士山蝶豆花石鍋飯
可以選擇日式咖喱汁/冬陰功汁/椰子白咖喱汁/栗子南瓜汁/黑松露雜菌忌廉汁
➡️飲品揀咗熱綜合花茶
其實唔太飲都係咩花茶同埋佢令到啲茶色係粉紅色，飲到好輕微嘅薰衣草味，不過我覺得有啲奇怪因為帶點甜味，應該唔係砂糖又唔係蜜糖，懷疑可能係糖漿🥱但賣相同樣好精緻，配有一個迷你陶瓷杯仔刻上店舖名同富士山圖案。
⏩⏩
用咗天然碟豆花令到飯變藍色，其實食落冇味純粹賣相靚。揀咗椰子白咖喱汁但原來味道唔算好濃烈嗰種日式咖喱汁味，係有少少淡嘅咖喱味，可能想遷就返素食淡口味？；反而日式咖喱汁就真係比較濃烈平時嗰種咖喱味。
素吉列豬扒口感比較實所以幾似真豬扒，主要係omnipork新豬肉同椰菜花製成，炸得好香脆，配有芥末醬汁。
西米布甸有層脆焦糖薄片，內裏好creamy滿佈西米，不過整體稍為甜咗少少，但都好食。
評分：8/10
👓椰菜花素漢堡富士山飯 $69另外仲有價錢便宜點嘅定食，就淨係富士山飯配上一個主菜同飲品。
人手製造嘅素漢堡，由椰菜花、薯蓉、冬菇、紅米等而成，因為有薯蓉所以口感就淋啲，冇豬扒咁實，似肉餅嘅口感，不過同樣炸得香脆juicy。但比較下覺得素豬扒好食啲🤣
評分：7.5/10
張貼
